صعب اوصفلك شعوري يوم طيفك طرى ..

ودي أكتب والقلم عيا يطيع
مدري الأشواق ولا أنت السبب
كيف أعبر والحكي مني يضيع
أسعفيني يا قواميس العرب
وش أبكتب فيك يالحر الرفيع
وأنت وصفك من أعاجيب العجب
هذي أقلامي ب**رها جميع
في سكوتي تصبح أشواقي ذهب

الوفاء في غير قلبك ما لقيت
وان مدحتك بالقصايد ماوفيت
أعتذر ان كان في يوم قسيت

والعذر ان كان صديت او جفيت
فأنت حد السيف لامني اعتزيت
وأنت أغلى شي في عمري لقيت

خليتني مثل الكفيف أتمناك
اللي عقب شوفه عيونه فقدها

عذبتني بين بعدك ولقياك
حتى الليالي قمت احسب عددها

لوكنت تدري وش كثر أغلاك
يمكن تقول الأم ما أغلت ولدها

مفهوم حبك فوق كل المعايير
اصدر غلاك القلب ووقع قراره
كتبت لك في صفحة الحب تقرير
و قلبي على قلبك تجدد مساره
من ارض شوقي يقلعن لك طيايير
طياره من قلبي و قلبك مطاره

تذكرتك وانا ساهي و هلّت مني الدمعه
ذكرت ايامنا الحلوه و حنّت نفسي للجمعه

مشتاق .. كثر ما ضمت مياه البحر شاطيها
مشتاق .. كثر ساعاتي ودقايقها وثوانيها
مشتاق .. كثر ايامي و كثر ماكنت اداريها
:Heart_line[1]: باختصـــــــــــــار


ترى الدنيا بلا صوتــك
يتم الحزن يطويها

مثل غيمه ابت تمطر
على الدنيا و تحييها

قالو ضعيــــفه عزة النفس فينــي ..

قلت المحبه تجبر احساس ولهــــان ..

ماقدر افارق من سكن وسط عيني ..

ببقى معه و ارضيه لو كان غلطـــان ..

سلمت له عمــــري وباقي سنينــي ..

وببقى على عهده ولانيب خـــــــوّان

ضاق صدرك بالليالي الشديده

والناس صدّو في نهار المروات

خذنــي يمينك لو دروبك بعيده

لو ان اخرتـي معك بين الاموات

لك صاحبن لاجلك رضا بالجريده

ينكتب اسمه في صفحة الوفيات

كنت اقول لزماني كم حبيب سرى ..؟

كم عزيز و غالي يازماني خذيت ..؟

كنت اقول بحياتي .. وش بقى ياترى ..؟


واثرها سالت دموعي .. وانا مادريت ..

صعب اوصفلك شعوري يوم طيفك طرى ..

بس عندي يقين ..

انـي ضحكت وبكيت ..


ولهت في لحظه عليك
وقمت اسافر في ذكرياتي
تذكرت لك معي وقفات
خلتني ابتسم ما احاتي

انت بطيب روحك تملك الناس
و بطيبتك تمحي كل معاناتي

وصرت اشكر ربـي عليك
لانـك اروع الناس في حياتي

كل ماالعين اذرفت دمع يسيل
قلت هاتي دمع ثاني يغسله
مابكى يوم المفارق الا الاصيل
دمعة المخلص تجي مستعجله
لا طرى له صاحبه يوم الرحيل
شق جيبه وعبرته ماتمهله
ان شكى من هم قالو له ذليل
وان كتم هم بجوفه يقتله

الله الله شوي شوي

روعه اخوي الدائري

يعطيك العافيه

لا بعد والخافي اعظم ولكن اقول ابداعنا كسبناه بتواجدكم ومشاركاتكم معنا اختي الغالية
اجل ش لو تقراه والله ان تخلي عاليها واطيها ولكن اهمس في اذنها واقول (( الحب لك وحدك )) خليها تروق ،،،،،،،،،،،،

ودي أكتب والقلم عيا يطيع
مدري الأشواق ولا أنت السبب
كيف أعبر والحكي مني يضيع
أسعفيني يا قواميس العرب

الدائري ابدعت في النقل
عشوقي

حيااااااااااااااك اخوي الغالي

واثرها سالت دموعي .. وانا مادريت ..

صعب اوصفلك شعوري يوم طيفك طرى ..

بس عندي يقين ..

انـي ضحكت وبكيت ..

كل هذا عندك و لا ندري الله الله عليك....................

الله .....
و احنا لنا الله ................
عزيز و غالي أخي الدائري ..........