وصفه جيده جدا لاتفوتكم ..

06-13-2008, 10:53 PM

بسم الله الرحمن الرحيم

شلونكم شخباركم عساكم بخير ..؟؟

المهم انا بقولكم سالفه وبعدها بقولكم شي

مادري وش جاني قبل كم يوم وجاني التهاب بالحلق >> لوز

المهم مااكل ولا اشرب يعني شي مو طبيعي والمشكله ماقدر اكل مضاد

ومرت الايام وانا في حاله يرثى لها
وطبعا مارحت المستشفى لانهم بيصرفون مضاد لي وانا مااكله

ولافي طب ماسويته حطيت ماء دافي وملح وكل الادويه المتعارفه شعبيا جطيتها ولافي فايده

وطبعا لان الاهل ابتلشوا فيني ابتدوا يلوموني اللي يقول من المكيف واللي يقول

من الايسكريم واللي يقول من المويه البارده

يعني معاناه الله لايوريكم

الزبده ولا ابي اطول قالت لي وحده طريقه وقالت وربي تدعين لي

فانا مافي شي ماسويته فاول ماقالت لي رحت وطبقتها الطريقه سلمكم الله من كل شر

مويه مغليه ولما تدفى شوي تحطها بكاس وتحط معاها لبتون شاي مو النثر لا الورق
يعني شاي عادي بس من دون سكر مع ليمون طبعا على حسب كبر الكاس يعني لازم يصير طعمه مر على حامض

ولاتخافون مو شاربينه لا ..!!

تتمضمضون فيه زي الغرغره ..

ياجماعه شي مو طبيعي كل الصديد اللي في الحلق ينزل وبنفس اللحضه وتشوفه

وبنفس الوقت يخف يعني استخدمه مرتين باليوم من بكرى انشاء الله تخف

وربي ماقلت لكم الا من تجربه

وعساكم ماتشوفون شر واتمنى تفيدكم مثل مافادتني

تحياتي وتقديري وودي

نطق مشاعر